RHEOLWR CYFRANNU UNIGOL
DISGRIFIAD SWYDD  

 

 

 

 

Cyfrifoldeb cyffredinol am godi arian cysylltiedig ag incwm anghyfyngedig i Ymddiriedolaeth Natur Gogledd Cymru gan unigolion yn ôl yr angen fel sail i’n Strategaeth 2030 sefydliadol: Dod â Natur yn Ôl

 

 

·         Gweithio gyda’r Pennaeth Strategaeth a Gweithrediadau i weithredu amcanion penodol o strategaeth codi arian bresennol Ymddiriedolaeth Natur Gogledd Cymru

·         Datblygu achosion sefydliadol ar gyfer cefnogaeth i Ymddiriedolaeth Natur Gogledd Cymru a chreu ymgyrchoedd llwyddiannus o'i chwmpas

·         Dyfeisio a rheoli pob agwedd ar gyllidebau unigol yn ymwneud â chyfrannu Ymddiriedolaeth Natur Gogledd Cymru, gan gynnwys ail-ragweld a chynllunio wrth gefn, rhagolygon incwm a gwariant, a thracio perfformiad ariannol

·         Arwain ar gyfathrebu ac addysg, yn fewnol ac yn allanol, ar bwysigrwydd codi arian gan unigolion ar gyfer y sefydliad

·         Siarad ar ran Ymddiriedolaethau Natur Gogledd Cymru mewn digwyddiadau / cyflwyniadau yn ôl yr angen

·         Gweithio'n agos gydag aelodau eraill o staff i sicrhau bod cynhyrchion a mentrau sy'n ymwneud â chyfrannu unigol wedi'u cysylltu'n agos â meysydd eraill yr elusen.

•       Rheolaeth llinell ar gyfer aelodau penodol o dîm codi arian Ymddiriedolaeth Natur Gogledd Cymru, gan gynnwys y rhai sy'n gyfrifol am aelodaeth, cymynroddion a rhoddwyr mawr

•       Arwain, rheoli ac ysbrydoli holl staff Ymddiriedolaeth Natur Gogledd Cymru i greu diwylliant cadarnhaol ac arloesol, a diwylliant o ‘allu gwneud’, yn gysylltiedig â chyfrannu gan unigolion, gan annog gwaith traws-dîm a thraws-sefydliad.

•       Datblygu a gweithredu holl weithgareddau Ymddiriedolaeth Natur Gogledd Cymru sy’n ymwneud ag apeliadau codi arian untro, uwchraddio aelodaeth a rhoddion cyffredinol

•       Meithrin a rheoli perthnasoedd buddiol a chynhyrchiol ag asiantaethau codi arian a marchnata trydydd parti yn ôl yr angen i gyflawni'r uchod

•       Datblygu fframwaith datblygu cyfranwyr ar gyfer Ymddiriedolaeth Natur Gogledd Cymru yn ei chyfanrwydd; sicrhau bod siwrneiau effeithiol, sy’n canolbwyntio ar gyfranwyr, yn eu lle drwy fanteisio i’r eithaf ar botensial meddalwedd Rheoli Perthnasoedd â Chwsmeriaid ac adnoddau eraill

•       Gweithredu fel y ‘meddwl arweiniol’ sy’n goruchwylio cynllun aelodaeth Ymddiriedolaeth Natur Gogledd Cymru a’i rôl o fewn fframwaith datblygu cyfranwyr ehangach

•       Sicrhau bod gofal arfer gorau yn ei le i gefnogwyr ar gyfer rheoli'r ymateb i holl weithgareddau codi arian Ymddiriedolaeth Natur Gogledd Cymru sy'n ymwneud ag unigolion.

 

·         Bod yn ymwybodol o ddatblygiadau codi arian yn y sector elusennol, yn enwedig drwy ddefnyddio rhwydweithiau cydweithwyr, cyrff masnach a'r wasg

·         Cysylltu â thîm Marchnata a Chyfathrebu Ymddiriedolaeth Natur Gogledd Cymru i sicrhau bod yr holl gyfathrebu sy’n ymwneud â chefnogwyr yn gyson â chanllawiau brand a negeseuon

·         Cysylltu â thimau codi arian mewn Ymddiriedolaethau Natur eraill i helpu i nodi cyfleoedd ar gyfer traws-weithio lle bo hynny'n berthnasol

·         Cefnogi Swyddog Data Cefnogwyr Ymddiriedolaeth Natur Gogledd Cymru i sicrhau bod yr Ymddiriedolaeth yn cydymffurfio ag arfer da bob amser.

Er mwyn i'r sefydliad weithio'n effeithiol efallai y bydd gofyn i chi gynorthwyo gyda meysydd gwaith eraill. Dylech felly fod yn barod i ymgymryd â dyletswyddau eraill sy'n briodol i'r swydd, ac unrhyw ddyletswyddau rhesymol eraill sy'n ofynnol.