Teitl y Swydd: Swyddog Grantiau

Yn adrodd i: Rheolwr Grantiau

Man Gwaith: Prif Swyddfa YNGC (Bangor) a / neu Swyddfa’r Dwyrain YNGC (yr Wyddgrug) a / neu weithio gartref

Oriau Gwaith: Llawn amser – 35 / wythnos

Ystod cyflog: £25,000 - £29,000

 

Prif bwrpas y swydd:

Cefnogi pob agwedd ar godi arian sy’n gysylltiedig â grantiau yn YNGC, gan gynnwys datblygu prosiectau ac arwain ar geisiadau grant unigol (yn unol â’r hyn a neilltuir ac a gefnogir gan Reolwr Grantiau YNGC).

Prif Gyfrifoldebau’r Rôl:

·         Datblygu prosiectau: 

o   Trafodaeth gydag Arweinwyr YNGC i nodi'r prosiectau mwyaf addas i'w cyllido gan grant, i'w datblygu

o   Cefnogi'r Rheolwr Grantiau i hwyluso datblygiad partneriaeth gydag Ymddiriedolaethau Natur eraill a phartneriaid allanol

o   Cefnogi’r Rheolwr Grantiau i ddatblygu sylfaen dystiolaeth gyfredol i gefnogi datblygiad prosiectau a cheisiadau am grantiau, gan gynnwys astudiaethau achos, tystebau ac ymgyngoriadau cymunedol

o   Datblygu a rheoli perthnasoedd gyda rhanddeiliaid ariannu newydd a phresennol, cynrychioli YNGC mewn ymgyngoriadau, gweithdai a digwyddiadau i sicrhau’r canlyniadau gorau

o   Cefnogi ac uwchsgilio staff eraill i ddatblygu syniadau prosiect yn gynigion llwyddianus. 

·         Ceisiadau am grant:

o   Ymchwilio, nodi a gwerthuso’n barhaus ffynonellau newydd o incwm prosiect (cenedlaethol, rhanbarthol a lleol) gan ddefnyddio adnoddau fel mewnrwyd yr Ymddiriedolaethau Natur, ein cronfa ddata Grantfinder a gwasanaethau tanysgrifio am ddim eraill (e.e. WCVA), gan sicrhau’r wybodaeth ddiweddaraf am ffrydiau ariannu a thueddiadau sy’n newid

o   Defnyddio pecynnau adnoddau datblygu prosiectau, gan gynnwys Adennill Costau Llawn a chyfrifianellau cyflog i sicrhau cyllidebau prosiect manwl gywir

o   Ysgrifennu ceisiadau ar gyfer ystod eang o gyllidwyr grant, gan gynnwys cyrff statudol; dosbarthwyr y Loteri Genedlaethol; ac ymddiriedolaethau a sefydliadau

o   Cefnogi staff eraill i ysgrifennu ceisiadau llwyddiannus am gyllid, lle cytunir ar hynny yn benodol

o   Cefnogi Rheolwr Grantiau YNGC i gynnal cronfeydd data codi arian grant effeithiol i dracio cynnydd, a pharatoi adroddiadau / briffiau cynnydd yn ôl y gofyn.

·         Adrodd ar brosiectau: 

o   Cefnogi rheolwyr prosiect unigol gydag adrodd ar brosiectau i gyllidwyr

o   Pan gytunir ar hynny gyda Rheolwr Grantiau YNGC, cefnogi rheolwyr prosiect unigol fel ail bwynt cyswllt ar gyfer cyllidwyr ar ôl y dyfarniad, a sicrhau yn gyffredinol bod perthnasoedd rhagorol yn cael eu cynnal gyda chyllidwyr 

o   Gweithio gyda rheolwyr prosiect unigol i sicrhau bod cefnogaeth cyllidwyr grant a phartneriaid yn cael ei chydnabod yn briodol (e.e. ar ein gwefan, cyfryngau cymdeithasol a chyhoeddiadau print)

o   Er mwyn osgoi unrhyw amheuaeth, ni ddisgwylir i ddeiliad y swydd reoli prosiectau unigol, ac eithrio o dan amgylchiadau eithriadol. 

·         Cyfrifoldebau cyffredinol: 

o   Cyflawni’r holl ddyletswyddau o ran deddfwriaeth berthnasol, fframweithiau a safonau rheoleiddio a gweithdrefnau mewnol YNGC, gan gynnwys polisïau sy’n ymwneud ag iechyd a diogelwch, cyfleoedd cyfartal, codi arian, diogelu a diogelu data.

 

Nid yw’r rhestr uchod yn hollgynhwysfawr a bydd gofyn i ddeiliad y swydd, o bryd i’w gilydd, gyflawni dyletswyddau eraill sy’n gyson â diben y swydd.

 

Efallai y bydd y swydd hon yn gofyn am weithio oriau anghymdeithasol ac ar benwythnosau o bryd i'w gilydd. Mae YNGC yn gweithredu system TOIL.